終日無所事事的阿澤 (Seth Rogen飾演)與由內而外都娘到爆的美妮 (Elizabeth Bank飾演)同居20年。當隔離三姑同六婆都以為佢哋係兩公婆之際，原來佢地冇性冇愛，關係純過蒸餾水。兩隻「大花筒」，遇著金融海嘯，搞到山窮水盡周身債。間屋斷水又斷電，窮途末路，突然爆發小宇宙，決定自拍四仔，實行一「砌」求生。仲搵埋成班Friends：波波、絲絲、阿迪、賴凸西、啤梨，組成「棒棒堂有限公司」，一齊打真軍，實行做到「四仔冇格仔，男女一齊睇」！點知一開機，搞到火花四起，事情發展落去，又「點止搵錢咁簡單！？」